Gahasa
Ihanda ang mga ebidensya
Eksibit blg.1: baril
o kahit na anong sandata
patunay ng pagbabanta
Eksibit blg.2: panti na may mantsa
patunay ng kabirhenan ng dalaga
Eksibit blg.3: sertipikasyon ng doktor
Patunay na--
a: sapilitan
b: lubusan
ang pagpasok ng ari
Eksibit blg.4: sertipikasyon ng pagkatao
patunay ng hindi pagiging puta
Ipasok sa hukuman ang nasasakdal
Iharap sa hukuman ang nagsasakdal
Simulan ang panggagahasa
upbreadings.blogspot.com/2010/07/gahasa-by-joi-barrios.html
No comments:
Post a Comment